મારા પ્રિય "રજુ ગાઈડ" (ફોટો શ્રોત -ગુગલ ઈમેજીસમાં થી)

દેવ સાહેબ આમ તો જૂની પેઢી ના કલાકાર , પણ કોઈપણ હિન્દી ફિલ્મ રસિક/શોખીન તેમની જૂની (૮૦ માં દશક પહેલાની ) ફિલ્મ જોયા વગર અધુરો ગણાય તેવીજ  રીતે  હિન્દી ફિલ્મ સંગીત ના રસિયાઓ માટે તેમની  જૂની ફિલ્મોના ગીતો ફિલ્મ સંગીતના સુવર્ણ કાળના  એક  અવિભાજ્ય હિસ્સો સમા છે ! તેમનું પ્રદાન હિન્દી ફિલ્મ  સિનેમા ફક્ત એકતર કે ડીરેક્ટર સુધીજ સીમિત ના કહી શકાય  ટીના મુનીમ, જીનત અમાન, જેવા કેટલીય પ્રતિભા ને ઓળખીને લોકો સામે લઇ આવવાની અદ્ભુત આવડત હતી પણ મારી દ્રષ્ટી એ હરેક હિન્દી ફિલ્મ રસિક ને હિન્દી ફિલ્મ જગતે તેમનો ખાસ આભાર તો તેમના નવકેતન બેનર હેઠળ તેમના મિત્ર અને લઘુ બંધુ એવા ગુરુદત અને વિજય આનંદ જેવા મહારથી ને જીનીઅસ દીરેક્તારો  આપ્યા તે માટે  માનવો રહ્યો !

તેમની  જૂની ફિલ્મો ને  તેના ગીતો મારા મનપસંદ  હોય તેઓ હમેશા મારા જેવા ઘણા ફિલ્મ રસિકો ના દિલમાં અમર  રહશે ! દેવ સાહેબ અને  મારા માટે તેમનું અતિ લોક પ્રિય ફિલ્મ ગાઈડ નું પાત્ર “રાજુ ગાઈડ ” ને ભાવભરી અંજલી ને આખરી સલામ  !

તીરંદાજી ની રમત ( સ્રોત: ગુગલ ઈમેજીસમાં થી )

દુનિયાની  સૌથી જુના માં જૂની રમત તેમજ શિકાર ને યુદ્ધકૌશલ્ય માટે ઉપયોગી  વિદ્યા એટલે  તીરંદાજી/ધનુષ્ય વિદ્યા !  જોકે આજે તેનો મહત્તમ ઉપયોગ એક રમત તરીકેજ સિમીત થતો જાય છે ! આમ તો ભારત માં ધનુર્ધરો ની પરંપરા રહી છે શ્રી રામ ભગવાન ,અર્જુન જેવા ઘણા પૌરાણિક પાત્રોથી લઇ ને તેમના આધુનિક અવતાર જેવા લીંબા રામ/ડોલા બેનર્જી જેવા અફલાતુન ખિલાડીઓ સુધીની  !   આપડા સદનસીબે આ રમત માં  હાલમાં પણ ભારત નો સારો એવો દેખાવ રહ્યો  છે જો  સરકાર તરફથી  વધુ સવલતો  ને આર્થિક  પ્રોત્સાહન મળે તો હરેક ઓલમ્પિક/મુકાબલામાં  માં ભારત ગોલ્ડ લઇ આવી શકે તેવા પ્રતિભાવાન ખિલાડીઓ છે. ભારતની ક્રિકેટ પ્રેમી પ્રજામાં  (જેમાં મારો પણ સ-ગર્વ સમાવેશ થાય છે) પણ ધીરે ધીરે આ પ્રાચીન તેમજ અદભુત રમત પ્રત્યે આકર્ષણ વધતું જાય છે ને ઘણા નવા આશાસ્પદ ખિલાડીઓ/શોખીનો  આ રમત અપનાવી રહ્ય છે !

પ્રાચીન સમયથી આર્ચરી જેવી ખુબ જુજ રમતો એવી રહી છે કે જેમાં મોટા મોટા રાજા મહારાજાથી લઇ જંગલ માં રેહતો એક આદિવાસી  પણ રસ દાખવતો ને તેમાં સારું પ્રભુત્વ મેળવી શકતો. આમતો આર્ચરી જેટલી પ્રાચીન રમત છે એટલોજ તેનો ઈતિહાસ પણ રસપ્રદ છે ! હરેક દેશ ની તીરંદાજી માટે ના ધનુષ ને બાણ પણ જુદા  ને શીખવાની રીતો પણ જુદી જુદી !  તીરંદાજીના  ઈતિહાસ ને જુદા જુદા દેશોની તે માટે ની જુદી જુદી રીતો ની વાતો ફરી ક્યારે આજે તો ફક્ત આધુનિક તીરંદાજી તેમજ આ રમતના અમુક પાસાઓની ચર્ચા કરવી છે !

ભારતમાં તીરંદાજી ની સ્પર્ધાઓ માં  મુખ્યત્વે ત્રણ પ્રકાર ના ધનુષ વપરાય છે. ૧) ઇન્ડિયન બો કે જે વાંસ અને લાકડા નું બનેલું હોય છે, કે જેની મહત્તમ રેંજ ૫૦ થી ૬૦ મીટર ની હોય છે. વળી તેના બાણ પણ વાંસ માંથી બનાવામાં આવે છે ને જેની મહત્તમ રફતાર ૭૫~૧૦૦ કિમી ની હોય શકે છે. ભારત માં તીરંદાજી શીખતા મહતમ લોકો તેમની રમત ની શરૂઆત ઇન્ડિયન બો થીજ કરે છે ને ક્રમે ક્રમે આગળ વધે છે. બીજા બધા ધનુષ કરતા ઇન્ડિયન બો ઉપર કાબુ મેળવો થોડ અઘરો છે પણ એક વાર તેની પર હટોટી આવી ગાય બાદ થોડ એડજસ્ટમેન્ટ સાથે બીજા બો ઉપર જલ્દી થી હાથ બેસાડી શકાય છે. ૨) ઇન્ડિયન બો પછી ના ક્રમે રીકવ બો આવે છે જે મોટા ભાગે કાર્બન -ફાઈબર માં થી બનાવવામાં આવે છે ને તેના બાણ પણ કાર્બન -ફાઈબર ના બનેલા હોય છે. મોટા ભાગની આંતરરાષ્ટ્રીય સ્પર્ધા આ બો વડેજ રમી શક્ય છે. આ પ્રકાર બો ની મહત્તમ રેંજ ૯૦ થી ૧૧૦ મીટર સુધીની હોય શકે છે. બાણ ની મહત્તમ રફતાર ૧૮૦~૨૦૦ કિમી સુધી ની હોય શકે છે. જો  તીરંદાજી ના પ્રોફેસનલ ખિલાડી બનવું હોય તો આ પ્રકારના ધનુષ ઉપર કાબુ મેળવવો અનિવાર્ય છે. વળી આ ધનુષ બાણ ની કીમત પણ ખુબ આસમાની હોય છે. કોઈ પણ પ્રોફેસનલ ખિલાડીના ધનુષબાણ એક લાખ થી બે લાખ સુધીના હોય શકે છે, વળી તેમની સાર સંભાળ પણ સારી એવી મેહનત તેમજ  પૈસા માગી લે છે. ૩)  ત્રીજા પ્રકાર ના બો ને કંપાઉંડ બો કેહવાય છે. જેમાં ધનુષ રીકવ બો ની જેમજ કાર્બન -ફાઈબર નું  બનેલું હોય છે પણ સાથે  તેમાં પુલી પણ હોય છે જે તેની રેંજ તેમજ બાણ ની રફતાર વધારી દે છે. આકાર માં તે  રીકવ બો કરતા નાનું હોય છે પણ કીમત માં તેની કરતા  વધુ મોંઘુ હોય છે. તેને ચલાવાની રીત પણ જુદી હોય છે.  મોટા ભાગની આંતરરાષ્ટ્રીય સ્પર્ધા માં આ ધનુષ માટે ની અલગ કેટેગરી હોય છે. આ પ્રકાર બો ની મહત્તમ રેંજ ૯૦ થી ૧૩૦  મીટર સુધીની હોય શકે છે. બાણ ની મહત્તમ રફતાર ૧૮૦~૨50 કિમી સુધી ની હોય શકે છે.

ઇન્ડિયન બો સાથે પ્રેક્ટીસ કરતી વિદ્યાર્થીનીઓ ( સ્રોત: ગુગલ ઈમેજીસમાં થી )

રીકવ બો સાથે નો ખિલાડી ( સ્રોત: ગુગલ ઈમેજીસમાં થી )

કંપાઉંડ બો ( સ્રોત: ગુગલ ઈમેજીસમાં થી )

આમ તો મોટા ભાગ ની રમતો માં એકાગ્રતા, ધીરજ  ને બેલેન્સ ની જરૂર હોય છે પણ તીરંદાજી પૂરી રીતે  આ ત્રણ ગુણો પરજ આધાર રાખે છે. તીરંદાજી ની શરુઆત કરતા પહેલોજ સબક તે મળ્યો કે તીરંદાજી માં બુલ્સઆઈ મારવાનું મહત્વ નથી પણ તે માટે જરૂરી એકાગ્રતા, ધીરજ  ને બેલેન્સ પર ધ્યાન કેન્દ્રિત કરવું વધારે જરૂર છે. જો આ ત્રણે આવડતો પર પકડ હશે તો હરેક તીર નિશાન પરજ વાગશે ! મોટા ભાગના લોકો એવુજ માનતા હોય છે કે તીરંદાજી માં નિશાન લેવામાં જેટલી એકાગ્રતા હોય એટલું સચોટ નિશાન લાગે છે, પણ આ માન્યતા ભૂલ ભરલી છે. તીરંદાજી માં એકાગ્રતા શરીર ની બેલેન્સ સ્થિતિ ,  યોગ્ય રીતે તીર ને તરતું મુકવું , ને નિશાન માટે પુરતી ધીરજ રાખવામાં છે. તીરંદાજી કરવા માટે ના મુખ્ય ૩ પગથીયા છે જે ખુબ જલ્દી થી સીખી જવાય છે પણ તેમાં માસ્ટરી લાવવા ખુબ પ્રેક્ટીસ તેમજ સમય માગી લે છે. જયરે પણ તીરંદાજી ઇન્ડિયન બો ઉપર શરુ કરવાની હોય ત્યારે તો બીજી ઘણી જીણી જીણી બાબતો ઉપર ધ્યાન રાખવાનું હોય છે . જેમકે વાંસા ના બનેલા દરેક બાણ નું પોતાનું એક ચોકસ નિશાન હોય છે તેને ધ્યાન  માં રાખીને નક્કી કરેલા નિશાન પર તાકવા ઘણા સુધારા-વધારા કરવા પડે છે. પહેલા ૧૦ મીટર થી શરુ કરી ને અનુક્રમે ૨૦ , ૩૦ , ૪૦ , ૫૦ મીટર શુધી જવાનું હોય છે, ને હરેક અંતર માટે તેમજ હરે બાણ માટે ઢગલો ફેરફાર ને સુધારા કરવા પડે છે. ને આ બધું ખુબ પ્રેક્ટીસ તેમજ  ટ્રાયલ અને એરર મેથડ થીજ શીખી શકાય છે.

તીરંદાજી માં શરીરની ચુસ્તતા તો જળવાયજ છે પરંતુ મગજ પણ એકાગ્ર કરીને એકજ વસ્તુ પર ફોકસ કરવા માટે કેળવાતું જાય  છે. એક આડ વાત ૨૦૧૨ માટે પહેલી વાર ક્રિકેટ માટે નું મક્કા એટલે કે લોર્ડ્સ નું મેદાન હવે તીરંદાજી ની રમત ના આયોજન માટે વપરાશે ! મુંબઈમાં  રેહતા ને તીરંદાજી માં રસ ધરવતા મિત્રો માટે ગોરેગાવ, જોગેશ્વરી, પાર્લા જેવી ઘણી જગ્યાએ કલબ/ટ્રેનીગ સેન્ટર ચાલે છે તેનો લાભ લઇ શકાય છે ! તીરંદાજી રમત  તેમજ તેના મારા અનુભવ વિષે વધુ હવે પછી !

૧. કેટલાક ગુજરાતી-અંગ્રેજી પુસ્તકો વાંચ્ય છે  જેનો  પરિચય ફુરસદ થી ‘પુસ્તક પરિચય’ વિભાગ માં આપવો છે.

૨. કામ ની વ્યસત્તા ને ટાઈટ બજેટ ને કારણે  કેટલીક ફિલ્મો ચુકી જવાણી છે તે આવનારા દિવાળી વેકેસન  માં જોવાનો પ્લાન છે.

૩. મુંબઈ મેરથોનની  હાફ મેરેથોન માટે નામ નોધાવામાં આ વખતે  સફળ રહ્યો , પણ હજી સુધી કોઈ તૈયારી શરુ કરી નથી !

૪.  કોમિક રસિયાઓ માટે સારા સમાચાર છે ૨૨-૨૩ ઓક્ટોબરે મુંબઈ માં કોમિક-કૉનનો મેળાવડો જામવાનો છે, ને મારા પ્રિય ઢબુજીના  ચિત્રકાર શ્રી આબિદ સુરતીજી ને મળવાનો સરસ મોકો છે ! જે મિત્રો ને કોમિક્સ માં રસ હોય ને જો આ સમયે મુંબઈ માં હોય તો કોમિક-કૉન  નો અચૂક લાભ લેવા જેવો છે.

૫. ઘણા વખત સુધી આર્ચરી ક્લબ ની કીટ વાપર્યા બાદ, કલકતાથી ફાઈનલી પોતાની આર્ચરી કીટ આવી ગઈ છે, જોઈએ હવે કેટલા ઊંચા નિશાનો તકાય છે !!!!! ( આર્ચરી વિષે વધુ ક્યારે વિગતે બ્લોગ પોસ્ટમાં લખવાનો  વિચાર છે.)

૬. આ વખતે વીકીપીડીયાની કોન્ફરસ મુંબઈ માં યોજાઈ રહી છે તો તેમાં ભાગ લેવાનો વિચાર છે. રસ ધરવતા મિત્રો અહીંથી વધુ વિગત જાણી શકે છે !

(ફોટો શ્રોત- ગુગલ ઈમેજીસમાં થી)

ભારતીય રાજકારણ જેના પ્રદાન ને નામ વગર અધૂરું ગણાય તેવા પ્રખર રજનીતીગ્ય એટલે વિષ્ણુગુપ્ત , જેઓ ‘ચાણક્ય’ ના નામે ખુબ પ્રખ્યાત છે, તેમેના દ્વારા અપાયેલી કે લખાયેલી ચાણક્ય નીતિ આજે પણ આટલા વર્ષે એટલીજ પ્રસ્તુત છે જેટેલી તે વખતે હતી. રાજકારણ ના પાયા સમાન ચાણક્ય નીતિના  સુત્રો ના  રચિયતા એવા ચાણક્ય ભારત વર્ષ માં એક આદર્શ રાજકારણી રહ્યા છે ને ભારતીય ઈતિહાસ ના દરેક મોટા નેતાઓ ની કોઈ ના કોઈ સમયે તેમની સાથે સરખામણી જરૂર થઇ હશે ! તેઓ ભલે પોતે રાજા  કે સમ્રાટ ના બન્યા પણ તેમની કીર્તિ કોઈ રાજા કે સમ્રાટ કરતા ઓછી નથી. ભારતવર્ષ ના પહેલા ચક્રવતી સમ્રાટ એવા ચંદ્રગુપ્ત ના  રાજ્ય કાળ થી શરુ કરી ને અખંડ એવા ભારતવર્ષ નો પાયો નાખવામાં તેમનો બહુમુલ્ય ફાળો રહ્યો છે ! તેથીજ તેઓ ઈતિહાસ નું એક ચીરકાલીન પાત્ર ને લોકો ના રસનો વિષય રહ્યા છે, આજે પણ તેમના ચાણક્ય નીતિ સુત્રો આધારિત કેટલાય  પુસ્તકો  કેટલીય ભાષામાં પ્રગટ થયા છે તો   નાટકો, સીરીયલો, વગેરે પણ એટલાજ બન્યા છે !

ચાણક્ય ના જીવનકાર્ય ને તેમના પાત્ર આધારિત વધુ એક પુસ્તક પણ શુષ્ક શુષ્ક લખાણો કરતા એક રસમય પોલીટીકલ થ્રીલર નોવેલ ના રૂપ માં રજુ કર્યું છે આશ્વિન સાંઘી એ. આ પુસ્તક ના રજુ થાય ના ખુબ ટૂંક સમય માં ભારતીય નોવેલો ની બેસ્ટ સેલેર લીસ્ટમાં સ્થાન પામ્યું છે ને હજી પણ એટલુજ લોકપ્રિય રહ્યું છે. આ નોવેલ આમ તો અશ્વિન ની બીજીજ નોવેલ છે  પણ ભારતીય એંગ્રેજી નોવેલ માં ખુબ જડપથી પોતનું નામ ટોચ પર લાવી દીધું છે. અશ્વિન વ્યવાસ્યે તો એક આન્ત્રોર્પ્રોનર છે પણ ઈતિહાસ, માયથોલોજી, રાજકારણ ને ધર્મ ઉપર લખવું ખુબ ગમે છે.  પોતાની ફુરસદે  પોતાના મનગમતા વિષયે લખતા રહે છે. હાલ માં તેઓ પોતાના બીઝનેસ સાથે સાથે ક્રેઅટીવ રાઈટીંગ માં યેલે જેવી પ્રતિસ્થ યુનીવરસીટીમાં થી Phd કરી રહ્યા છે.

નોવેલ માં વાત છે  ૨૩૦૦ વર્ષ પહેલા ભારત ના કાલ ખંડ ની કે જયારે  વિષ્ણુ ગુપ્ત નામનો એક   બ્રાંમણ અખંડ ભારત નું સપ્ન સેવે છે ને પોતાના આ સપનાને સાકાર કરવા શરુ કરે છે પોતાનું રાજકીય જીવન જે એને એક સામાન્ય શિક્ષક માંથી બનાવી દે છે એક વિચક્ષણ રાજકરણી ચાણક્ય. નોવેલ માં ૨૩૦૦ વર્ષ પછીના ભારતની પણ વાત સાથે સાથે ચાલે  છે જેમાં  ગંગાસાગર મિશ્ર નામનો  એક બ્રાંમણ  ઝૂપડપટ્ટી માં જન્મેલી બાળકી ને વડાપ્રધાન ની ખુરશી સુધી પહોચાડવાની પોતાની  મહત્વકાંક્ષા પૂરી કરવા શરુ કરે છે રાજકારણ ની આડી-અવળી , ઉભી-સીધી રાજરમત. લેખેકે ૨૩૦૦ વર્ષ પહેલા ના ચાણક્યે ખેલેલી રાજરમત  આજે પણ કેટલી પ્રસ્તુત છે તે ખુબ અદભુત રીતે બતાવ્યું છે. વાંચક ને જકડી રાખે ને હરેક ચેપ્ટરે હવે શું થશે તેવી ઉત્કંઠા  જગાડે તેવી સરસ નોવેલ લખી છે. ૪૫૦ જેટલા પાના ને ૨૦ ચેપ્ટર માં પથરાયેલી આ નોવેલ લેખેક ખુબ બધા સંસોધનને આધારે લખી છે.  નોવેલ ને  ફીકસન વાંચવાનું પસંદ કરતા દરેક વાચકમિત્રોએ વાંચવા જેવી નોવેલ. નોવેલ માટે અશ્વિન તેમજ અમયે નાયકે તૈય્યાર કરેલા શક્તિ મંત્ર પણ ખુબ સરસ રીતે સંગીતબદ્ધ કરવામાં આવ્યો છે. રસ ધરાવતા વાચક મિત્રો અહીં તે મંત્ર ને માણી શકે છે. લેખકના જણવ્યા પ્રમાણે આ નોવેલ પર થી ફિલ્મ બનવાના હક્કો વેહ્ચાય ગયા છે ને જલ્દીજ  આ નોવેલ ફિલ્મ રૂપે જોવા મળે તો નવાઈ નહિ લાગે. આ નોવેલ તેમજે લેખક વિષે વધુ માહિતી મેળવા વાચક મિત્રો અહીં મુલાકાત લે. ફ્લીપકાર્ટ ઉપર આ નોવેલ ની પેપર બેક આવૃત્તિ ૩૫ ટકા ના માતબર વળતરે ઘરબેઠા મેળવી શકે છે.

એક્સ્ટ્રા બાઈટ: ચાણક્ય ને કેન્દ્રવર્તી પાત્ર બનાવીને મિહિર ભુતા દ્વારા લિખિત ને મનોજ જોશી જેવા કસાયેલા કલાકાર દ્વારા દિરદક્ષિત ને અભિનીત નાટક ‘ચાણકય‘ જોવુજ રહ્યું ! આ નાટક વિષે વધુ વાત ફરી કયારે પણ જો વાચક મિત્રો ને પોતાના શહેર માં આ નાટક જોવા મળે તો ચૂકવું નહિ , નાટક પછી એક વિચાર , એક અલગજ અનુભૂતિ લઈને દર્શકો ઘરે જશે તે નક્કી !!

'The Wildest Dream: Conquest of Everest' (ફોટો શ્રોત-ગુગલ ઈમેજીસમાં થી)

એવરેસ્ટ નું નામ જયારે  પણ  કાને પડે એટલે શેરપા તેનઝિંગ ને સર એદ્મ્ન હિલેરી નું નામ પણ અચૂક મનમાં આવ્યા  વગર રહે નહિ, કારણકે ઈતિહાસ માં એવરેસ્ટ સફળ આરોહણ કરનારા સૌપ્રથમ મનુષ્યો તરીકે તેમનું નામ સુવર્ણ અક્ષરોએ લખાયેલું  છે. પણ તમેની આ અદ્ભુત સિદ્ધિ સાથે એટલોજ આકર્ષક ને અકળ રહ્સ્ય્સ ધરવતો વિવાદ પણ જોડાયેલો. શું શેરપા તેનઝિંગ ને સર એદ્મ્ન હિલેરી એવેરેસ્ત પર પગ મુકનારા સૌપ્રથમ વય્ક્તિ હતા ? ને આજ વિવાદ સાથે જોડાયેલું બીજું ઐતિહાસિક નામ એટલે જ્યોર્જ મીલરી. કેટલાય લોકોના મતે તેઓ પ્રથમ વ્યક્તિ હતા કે જેમણે એવરેસ્ટ ઉપર પ્રથમ પગ મુક્યો હતો પણ જેના કોઈ ઠોસ પુરાવા નથી પણ આંશિક પુરાવા તેમના મત ને ટેકો જરૂર આપે છે . આજે પણ પર્વતારોહકો માં ચર્ચાતો ને લોકોના જુદા જુદા મત ધરાવતું આ અકળ રહસ્ય હજી પણ અકબંધ છે. આ ફિલ્મની કથાવાસ્તુ આજ રહસ્ય ને લઇ ને આગળ વધે છે ને દર્શકો ની સામે રાખે છે ઇતિહાસ માં ખોવાય  ગયેલા જ્યોર્જ મીલરી નામના બ્રિટીશ પર્વતા રોહકની વિરાટ વ્યક્તિત્વ ધરાવતી છબી !

૨૦ મી સદી નો ઉતરાર્ધ એ કેટલીય રાજકીય ઘટના, સંસોધનો, કળા, વિજ્ઞાન, સાહસો ની ઘટનાઓની ઉથલ પાથલ નો સમય ગાળો રહ્યો છે, જેણે દુનિયાનો નકશો, લોકોની સમજણ ને જ્ઞાન ને એક નવું પરિણામ આપ્યું છે. આ ફિલ્મી વાત આજ સમય ગાળા ની છે કે જયારે લોકોમાટે હિમાલય નું ઉતુંગ શિખર ‘સાગર મત્થા’ (એવરેસ્ટ નું નેપાળી નામ)  હજી પણ અજય હતું. ત્યારે જ્યોર્જ મીલરી સાગર મત્થા પર વિજય મેળવાનું સપનું જોવે છે જે ધીરે ધીરે એક  વળગણ માં પરિણામે છે. તેની એવેરેસ્ત જીતવાની ઈચ્છાજ છેવટે તેના મૃત્યુનું કારણ બને છે.૧૯૨૪ માં બ્રિટીશ ટીમ સાથે એવેરેસ્ત આરોહણ પર નીકળેલા જ્યોર્જ ને તેના સાથી ઈરવીન એવરેસ્ટ શિખરથી ફક્ત થોડા મીટરો દુર આખરી વાર જોવામાં આવે છે ને ત્યાર બાદ તેમનો કોઈ અતો પતો મળતો નથી. તેમના મૃત્યના ૭૫ વર્ષ પછી ૧૯૯૯ માં કોનાર્દ અનકર નામના પર્વતા રોહક ને જ્યોર્જ મીલારી નો મૃત્યુદેહ મળે છે ને ફરી એક વાર એવરેસ્ટ પર પ્રથમ કોણ પહોચ્યું હશે તે સવાલના વિવાદ ને એક નવું રૂપ મળે છે. કોનાર્દ તેમના સાથીઓ સાથે જ્યોર્જ ને ઈરવીન ના તે સમય ના સાધનો તેમજ  તેમના લખાણો ના આધારે તેમના દ્વરા લેવામાં આવેલા એવરેસ્ટ રોહણ ના રસ્તા નો ઉપયોગ કરીને શું એવરેસ્ટ તેઓ ચડી શક્યા હશે તે શક્યાતની તપાસ કરવા તેઓ પણ એવરેસ્ટ આરોહણની યોજના બનવે છે ને શરુ થાય છે એક અદ્ભુત ને રોમાંચક સફર. તે સફર નો અંત શું આવે છે ને શું ખરે ખર જ્યોર્જ ને ઈરવીન એવરેસ્ટ પર પહોચ્યા હશે તેવી શક્યતા ખરી? આ પ્રશનોના જવાબ જાણવા માટે આ ફિલ્મ જોવીજ રહી.

ફિલ્મ ટેકનીકલી તો ઉત્કૃથ્જ છે પણ સાથે ફિલ્મ નું બેક્ગ્રોઉંન્દ મ્યુઝીક પણ દર્શકોને જકડી રાખનારું છે, હિમાલય ની ઠંડી નિર્દયતા નો દર્શોકો ને બખૂબી અનુભવ કરાવી દે છે. ફિલ્મ ની એક એક ફ્રેમ માં હિમાલય ની સુંદરતા, વિશાળતા ને નિર્દયતા અદ્ભુત રીતે કંડારવામાં આવી છે. સાથે સાથે ફિલ્મનું નેરેસન પણ અવાલ દર્જાનું છે. હિમાલય ના પ્રવશે ૯૫ મિનીટ ક્યાં વહી જાય છે તે ખબરજ નથી પડતી. આ ફિલ્મ જો જોયોર્જ કે હિલરી ના વિવાદ પરજ કેન્દ્રિત થી પણ તેથી પણ આગળ વધતા દુનિયા સમક્ષ જ્યોર્જ નું વ્યક્તિવા પણ લાવે છે, તેમન અંગત જીવન ને તેમના સમગ્ર વ્યક્તીવનો ખુબ સુંદર પરિચય આપે છે.  ફિલ્મમાં તેમના પર્વતા રોહક તરીકેના વ્યક્તિત્વ સાથે સાથે તેમની એક પ્રેમી તરીકેના  રુજ  પાસાને પણ ઉજાગર કરે છે. ભલે તેઓ ને   આજે ઈતિહાસ માં એવરેસ્ટ ના આરોહક તરીકેની સિદ્ધિ મળી નથી પણ તેમના ગોતેલા એવરેસ્ટ ના રસ્તા તેમજ બીજા નોંધપાત્ર કામોને લેધી લોકોનાં એવરેસ્ટ આરોહણ માટે નું પ્રથમ પગથીયું જરૂર બન્યા છે. આજે પણ દરેક પર્વતા રોહાકનો જુસ્સો બતાવતા ૩ શબ્દો “Because it’s there”  થી તેઓ અમરત્વ પામ્યા છે.  દરેક પર્વત/હિમાલય , સાહસ પ્રેમી સિવાય નાપણ ફિલ્મ રસિકોને આ ફિલ્મ જોવા  ખાસ  અનુરોધ ! જો વાચક મીટરો વિદેશ માં હોય તો તેમના નજીક ના આઇમેક્ષ માં આ ફિલ્મ ના શોની તપાસ જરૂરથી કરવી ને જો શક્ય હોય તો  આઇમેક્ષમાંજ ફિલ્મ જોવા ખાસ વિનતી , ૯૫ મિનીટ ની આ ફિલ્મ ક્ષણે ક્ષણે રોમાંચ કરવાશે તે પાકું !

રસ ધરાવતા  વાચક મિત્રો માટે આવીજ રીતની પર્વતો/હિમાલય સાથે સંકળાયેલી બીજી કેટલીક ફિલ્મો વિષે આ બ્લોગ પર લખાયેલા લેખો  ની લીંક  ૧ અને ૨. ફિલ્મ ની જલક જોવા માટે આ લીંક ઉપર ક્લિક કરો.

રજની ભાઈ કુમાર નો બ્લોગ: ગુજરાતી સાહિત્ય માં દસ્તાવેજીકરણ કે નક્કર માહિતી આધારિત ખુબ ઓછા પુસ્તકો લખાય છે ને તેમાં અવ્વલ દર્જાનું સ્થાન શ્રી રજની કુમાર પંડયાનું છે ! ગીત~સંગીત, જુના સમય ના સિનેમા, નવલકથા, વાર્તાઓ , કોલમ લેખન, વગેરે જેવા કેટલાય માધ્યમ થી તેમની સશક્ત કલમ ને સર્જકતા નો લાભ વાચકો ને મળ્યો છે. તેમના જેવા અનુભવી, પીઢ, ને ઉચ્ચા દરજ્જાના લેખક પણ બ્લોગ જગત માં પ્રવેશ્યા છે તે મારા જેવા ઘણા વાચકો માટે મજા ના સમાચાર છે. તેમના બ્લોગ થાકી વાચકો ને ભારતીય ગીત -સંગીત , સિનેમા વિષે અદ્ભુત  લેખોનો લાભ મળશે તે નક્કી ! દરેક ભારતીય સિનેમા પ્રેમી બ્લોગ વાચકો માટે   તેમનો બ્લોગ એક ખજાનાથી ઓછો નહિ હોય !

જયભાઈ વસાવડાનો બ્લોગ: જય ભાઈ વિષે આમતો કંઈ લખવાની જરૂર નથી. તેમના ગુજરાત સમાચારમાં આવતા લેખો થી મોટા ભાગના વાચકો પરિચિત હશેજ, હાલ માં તેમણે પણ બ્લોગ લેખન સારું કર્યું છે ને તેમના કેટલાક જુના ને નવા લેખો વાચક મિત્રો બ્લોગ પર વાંચી શકે છે.

કિન્નરભાઈ આચાર્ય નો બ્લોગ: કીન્નેર ભાઈ એક જાણીતા પત્રકાર/કોલમ લેખકજ  નહિ પણ એક ફિલ્મકાર પણ છે. અગાઉ આ બ્લોગ ઉપર કિન્નર  ભાઈની બનાવેલી ગુજરાત વિષે ની દસ્તાવેજી ફિલ્મ વિષે વાચક મિત્રો  અહીં વાંચી શકે છે. કિન્નર ભાઈ ના ફિલ્મો તેમજ બીજા વિષયો પરના  લેખો  ખરેખર માહિતીસભર હોય છે.   તેમની આ બહુમુખી પ્રતિભા, લેખન શૈલી, વર્ષો નો અનુભવ આધારિત લખાણ દરેક ઉમરના  વાચકો ને કંઈ ને કંઈ જેતે વિષય નું નવુજ  જાણવા  આપશે તે નક્કી !

બીરેન ભાઈ કોઠારી નો બ્લોગ: બીરેન ભાઈ ના લખાણ નો પરિચય મને તેમના આહ ! ઝીંદગી માં આવતા લેખો થી થયો છે. કંઈ નોખું -અનોખું કે વ્યક્તિ વિશેષ વિષયના  લેખો મારા મન પસંદ. હાલમાં તેઓ પણ બ્લોગજાગતા માં પ્રવેશ્યા છે ને તેમના માહિતીસભર તેમજ હળવી શૈલી માં લખાયેલા કટાક્ષ લેખો વાચક મિત્રો ને મજા કરાવી  દેશે તે નક્કી ! તેઓ લેખન કાર્ય સાથે સાથે ચિત્રકાર પણ છે તેમના બ્લોગ પર તેનો  પણ વાચક મિત્રો ને લાભ મળશે!

મહેન્દ્રભાઈ નો બ્લોગ: અમેરિકા સ્થિત મહેન્દ્રભાઈ ના કાર્ટૂન થી સૌ બ્લોગ મિત્રો પરિચિત હશેજ. તેમના બ્લોગમાં  સાંપ્રત સ્થિતિ પર  હળવી ને કટાક્ષ  શૈલી માં દર્શાવેલા કાર્ટૂન વાચકોને થોડા માં ઘણું જાજું કહી જાય છે, તેમના કાર્ટૂનો અમરિકા ના ગુજરતી સમાજનો પણ  ખુબ સુંદર પરિચય આપે છે. તેમના હિન્દી, અંગ્રજી , ગુજરાતી કાર્ટૂનનો લાભ લેવો  એક લહાવો  છે. દરેક  વાચકોને તેમના બ્લોગ ઉપર હાસ્ય સાથે સરસ કાર્ટૂન માળવા મળશે તે નક્કી !

વિજેતા ભારતીય ટીમ ( ફોટો શ્રોત-ગુગલ ઈમેજીસમાંથી)

વાનખેડે સ્ટેડીયમ, મુંબઈ, ૨૦૧૧, વર્લ્ડકપ ફાઈનલ, ‘Whak ‘ ……એક જોરદાર ફટકો ને બોલ સીધો ગ્રાઉન્ડની  બહાર ને સાથેજ લોકો નો હર્ષનાદ ને ઉલ્લાસ પણ કાબુ બહાર……૨૮ વર્ષના માતબાર સમય ના ઇન્તજાર પછી એક એક ભારતીયની વર્લ્ડકપ જીતવાની ઈચ્છા પરિપૂર્ણ થઇ !!! ભારતીય ટીમ ને ખુબ ખુબ અભિનંદન ! એક એક ભારતીય ક્રિકેટ પ્રેમીઓને કાલ ના વિજય માટે અભિનંદન !

ભારતીય ટીમના કેપ્ટન માહી એ હમેશા ની જેમ ટોસ હારી ને મેચ જીતવાની પરમ્પરા જાળવી રાખી! સાંગા ટોસ જીતીને પહેલા બેટિંગ કરી ને મોટા સ્કોર કરવાની નેમ સાથે ખુબ ધીમી પણ મક્કમ શરુઆત કરી. ભારતીય બોલરોની શરુઆત ની ઓવરો અકલ્પનીય રહી આખી શ્રેણી દરમ્યાન બોલિંગ નું સૌથી શ્રેષ્ઠ પ્રદર્શન કાલે રહ્યું. ઝહિર, મુનાફ , ને શ્રી ને શરુઆત ની સરસ ને ખુબ ડીસીપ્લીન વાળી બોલિંગ માટે અભિનદન આપવાજ પડે. દિલશાન ને થરંગા જેવા સ્ફોટક બેટ્સમેનો ને પૂરે પુરા કાબુમાં રાખ્યા. ભારતીય ફિલ્ડીંગ પણ રાતો રાત કાયાપલટ થઇ હોય તેવું લાગ્યું, અદ્ભુત ફિલ્ડીંગ ! થરંગા છુટથી રન ના કરી શકતો હોય જલ્દીથીજ પ્રેસર માં પોતાની વિકેટ ઝહિરના એક સરસ બોલ ઉપર ખોઈ નાખી.  દિલશાન પણ સ્ફોટક શરુઆત ના કરતા ધીમી પણ મક્કમ ઇનિંગ રમી રહ્યો હતો પણ ભજ્જીની બોલિંગ માં વિકેટ ગુમાવી દીધી. ત્યારબાદ સાંગા પણ ૪૮ રન ની નાની પણ મહત્વની ઇનિંગ રમી એક લુઝ શોટ માં પોતાની વિકેટ ખોઈ. ને અંતમાં પરેરા,કુલુસેકરા એ નાની પણ ખુબ જડપી રમત રમીને શ્રીલંકા ને મોટો સ્કોર કરવાની તક પૂરી પાડી, ને પૂરી શ્રીલંકાની બેટિંગ ને પોતાની મજબુત રમત થી આધાર આપ્યો જયવર્દને, અફલાતુન ઇનિંગ કોઈપણ જાતના રિસ્ક લીધા વગર ની સ્ટ્રોકપ્લ્યિંગ ની અદ્ભુત રમત ! વર્લ્ડકપ ફાઈનલ માં પોતની ઉત્તમ રમત રમીને શતક મારી ને પોતની ટીમ ને ખુબ મજબુત સ્થિતિ માં મુકવામાંટે, ક્રિકેટ ચાહકોને તેની ઇનિંગ હમેશા યાદ રહશે. ભારતીય બોલિંગ માં બધાજ બોલરો પ્રભાવશાળી રહ્યા, પણ અંતિમ ઓવરોમાં ઝહિરની શ્રીલંકન બેટ્સમનોએ સારી ધુલાઇ કરતા પોતની ટીમને ૨૭૪ ના ખુબજ પડકારજનક સ્કોર ઉપર લઇ જવામાં સફળ રહ્યા !

ભારતીય ટીમએ શરુઆતમાજ  વીરુની વિકેટ ખોઈ દેતા તણાવ ભરી શરુઆત કરી. પાકિસ્તાન સામેની મેચ માં જે રીતે વીરુએ પોતાની વિકેટ ગુમાવી હતી તેવીજ રીતે ફરીએક વાર પોતાની વિકેટ ગુમાવી, તેના નબળા ડીફેન્સની સાક્ષી આપી. મલીંગાએ પોતાની પહેલીજ ઓવરમાં વીરુની ૦ રન પર વિકેટ લેતા ભારતીય ટીમ પર અચાનકજ દબાણ વધારી દીધું ને જલ્દીજ સચિનની એક સરસ બોલ ઉપર વિકેટ લઇ દબાણને સંપૂર્ણ પણે બેવડાવી દીધું. પણ  ગંભીર ને કોહલી એ સંપૂર્ણ રીતે  બાજી સંભાળી લીધી. તેમણે  ખુબ મેચ્યોર રમત દાખવી ભારતને જોઈતી પાટનરશીપ બનાવી. જલ્દીજ કોહલી પણ પોતાની નાની પણ મહતવની ઇનિંગ પછી ખુબ સોફ્ટ દીસ્મિસલ સાથે પોતની વિકેટ ખોઈ. ને ધોનીનો માસ્તર સ્ટ્રોક , કેપ્ટન તરીકે ની પૂર્ણ જવાબદારી, સ્પીરીટ ને પોતાની લીડરશીપ નું અદ્ભુત ઉધાહ્રણ પૂરી પાડતા ખુદ રમત માં આવી ખુબ આસાનીથી પૂરી મેચનો ભાર પોતાની  ઉપર લઇ લીધો. આટલા વખત થી  પોતની નબળી બેટિંગ થી લોકોને નિરાશ કરનાર , મોકાના સમયેજ ફોર્મ માં આવી , કેપ્ટન ઇનિંગ રમી ને ભારતીય ટીમે ને વીજતા બનવાનાર માહી  ને સો સલામ !! એક વાતો માનવી પડે કે ધોનીની ની બધી ગણત્ર્ત્રીઓ પૂરે પૂરી ક્રિકેટિંગ લોજીક આધારિત નહિ પણ જુગાર તત્વ ઉપર હોય છે ને તેનો હરેક જુગાર સફળ પણ રહે છે !!   સમ્રાટ  નેપોલિયન ઘણી વાર કહેતા કે મને હોશિયાર સેનાપતિ કરતા પણ નસીબદાર સેનાપતિઓની વધારે જરૂર છે, ને આવાત માહીના ઉધાહારન સાથે સંપૂર્ણ પણે સાબિત પણ થાય છે!!!  ખરે, મજાક ને બાદ કરતા પણ માહીની આ જવાબદારી ને ફ્રન્ટ થી પોતાની ટીમ ને લીડ કરાવતી ઇનિંગ હરેક ભારતીય ક્રિકેટ ચાહકો માં વર્ષો સુધી યાદ રહશે !! માહીને  ફરી એક વાર સલામી. માહીને ગંભીર ની પાર્ટનરશીપે ભારતીય વિજય લગભગ ન્ક્કીજ કરી નાખ્યો હતો ! ગંભીર ફરી એક વાર આટલી સરસ રમત રમીને  એક  સુસ્ત રીતે શોટ  રમતા પોતની વિકેટ અને  વર્લ્ડકપ ફાઈનલ માં પોતાને નામે સદી કરવાની સિદ્ધિથી ચુક્યો ! તેનું બાકી રહેલું કામ યુવરાજે પૂરું કરી ને ભારતીય ટીમને અવિસ્મરણીય વિજય અપાવી ! શરુઆત ની મલીંગા ને મુરલી ની ઓવરો સિવાય શ્રીલંકા બોલિંગ માં ખાસ કઈ કૌવત બતવી ના શક્યું. આટલી  જલ્દી વિકેટ ગુમાવ્ય બાદ પણ ભારતીય ટીમ ૫ રનની એવેરેજ જાળવી શક્યું તે તેમની બિન અસરકારક બોલિંગ નું પ્રમાણ છે ! તેમની ફિલ્ડીંગ પણ ભારતીય ફિલ્ડીંગ જેટલીજ ચુસ્ત રહી પણ અંતમાં ભારતીય ટીમ પોતની માનસિક તાકાત જાળવી શક્યા હોય , વિજય તેમનો રહ્યો !

મુરલી અને સચિન જેવા દીગજ્જો માટે આ આખરી વર્લ્ડ કપ છે, મુરલી માટે તો કાલની આ આખરી મેચ પણ હતી,  ટેસ્ટ મેચ માં જેમ તેઓ એક વિજેતાને છાજે તેવી વિદાય એકદિવસીય મેચ માંથી ના લઇ શક્યા! આ પણ એક કેવો જોગાનું જોગ કે તેમની અંતિમ ટેસ્ટ પણ ભારત સામે રહી તો અંતિમ એકદિવસીય મેચ પણ ભારત સામે રહી ! હરેક ક્રિકેટ પ્રેમી તરફથી એક દિગ્ગજ ખીલાડીને વિદાય ! તો સચિનની પણ વર્ષો ની ઈચ્છા કાલે પૂરી થઇ ! કાલની મેચ માં જયવર્દને તેમની અદ્ભુત સદીને ભારતીય ટીમ ને પોતાની અવિસ્મરણીય જીત માટે  ફરી એક વાર ખુબ ખુબ અભિનદન ! માહી ને પણ ભારતીય ક્રિકેટ ના ઇત્તિહાસ માં એક સોનેરી પ્રકરણ લખવા માટે અભિનંદન ! ને ક્રિકેટ રસિયાઓ ને IPL ૪  માટેની શુભકામનોઓ !!!

ભારત-શ્રીલંકા (ફોટો શ્રોત-ગુગલ ઈમેજીસમાંથી )

છેલ્લા ૨/૩ વર્ષથી ભારત -શ્રીલંકા એક બીજા સામે એટલું બધું ક્રિકેટ રમ્યા છે કે જો વર્લ્ડકપની ફાઈનલના હોત તો આ મેચ જોવાની ઈચ્છા પણ ના થાત. ક્રિકેટની દ્રષ્ટીએ બંને ટીમો એકબીજાના જમા-ઉધાર પાસા એટલા સરસ રીતે ઓળખે છે કે બંને ટીમો માટે એક બીજાને સરપ્રાઈઝ  આપવા કોઈ  નવી રણનીતિ કે  નવી યોજના બચી હશે  કે કેમ તે બંને ટીમો સહીત દરેક ક્રિકેટ રસિક ને મુંજવતો પ્રશ્ન હશે ! કેહવાય છે ને કે એકજ હરીફ સામે રમી રમી ને ખિલાડીઓનું એકબીજાના ગુણોઅવગુણો એટલા આત્મસાત કરી લે છે કે તેમનો મૂકાબલો રમતની સ્કીલથી ઉપર ઉઠીને ફક્ત માનસિક સ્તર ઉપર રહે છે. આ બંને  ટીમનો મુકબલો પણ ક્રિકેટિંગ સ્કીલ કરતા પણ એકબીજા પર માનસિક અધિપત્ય જમવાનો વધુ રહશે !

બંને ટીમો માટે વધુ વાત કરતા પહેલા એક નઝર ભૂતકાળ પર જોઈએતો: ૧૯૯૫, ઈડનગાર્ડન, કલકતા, સેમીફાઈનલ, ભારત નો કારમો પરાજય ! તો ૧૯૯૯, ૨૦૦૩ માં ભારત શ્રીલંકાને સારું એવું ધોઈ ચુક્યું છે. ૨૦૦૭ માં વળી શ્રીલંકા નો હાથ ભારત ઉપર રહ્યો છે. એટલ આવી રહેલી ફાઈનલ મેચને ૧૯૯૫ ના બદલા તરીકે નાજોતા ભારતીય ઉપખંડ ઉપર  પોતાનું અધિપત્ય જમાવનાર ટીમોં ના મુક્બલા તરીકે વધુ રહશે. ૧૯૯૫ ના વર્લ્ડકપને યાદ કરવાનું બીજું કારણ છે. શ્રીલંકાની ટીમે  પહેલી ૧૫ ઓવરનો મહતમ ઉપયોગ કરી ને સામેની ટીમ ઉપર પૂર્ણ રીતે આક્રમણ લઇ જવાની ખુબ સફળ રણનીતિ અપનાવીને એક દિવસીયમેચો તરફ જોવાની ક્રિકેટ જગતની દ્રષ્ટી બદલી નાખી. ત્યાર થી દરેક ટીમ માટે આ રણનીતિ રમતનો મહત્વનો હિસ્સો બની ચુકી છે. આજે દરેક ટીમમા જયસુર્યા જેવા સ્ફોટક બેટ્સમેનો હોવા જ્રુરીજ નહિ  અનિવાર્ય  છે. જેને લેધી ઓપનર માટે ની વ્યાખ્યા બદલાઈ ગયી છે. જે બેટ્સમેન ટેકનીકલી રીતે થોડો નબળો હોય તો ચાલે પણ ખુબ આક્રમકતા ને હાર્ડહિટીંગ બતાવી શકે. આમ ગીલી, હેડન, વીરુ , દિલશાન વગેરે જેવા ખિલાડીઓ માટે ટીમમાં અલગજ સ્થાન બન્યું ને દરેક ટીમ ને હમેશા આવા ખિલાડીઓની શોધ પણ રહે છે. આમ ૧૯૯૫ નો વર્લ્ડકપ ક્રિકેટ જગત માં એક નવું પરિણામ ઉમેરનારં રહ્યું ને તેનું નીમ્મિત શ્રીલંકા રહ્યું ! બીજા કોઈ દેશની રણનીતિની ક્રિકેટ જગત ઉપર આટલી ઘેરી ને ઊંડી અસર હોય તેવું અત્યાર સુધી તો મારા ધ્યાન માં નથી કોઈ ક્રિકેટ રસિક મિત્રો વધુ કઈ જાણતું હોય તો જરૂરથી ગુલાલ કરે ! કાલની મેચ સાથે આ ઘટનાને ૧૫ વર્ષ પણ પુરા થશે !

હવે એક નઝર કાલના મુકાબલા પર, ભારતીય ટીમ પાસે જો વીરુ છે તો તેઓ પાસે દિલશાન છે. ને જે રીતે દિલશાન સાતત્ય વાળી રમત રમી રહ્યો છે તેજોતા વીરુ કરતા એક કદમ આગળ મુકવો પડે. તેઓ પાસે જયવર્દન છે તો આપડી પાસે સચિન છે. બંને પાસે ટીમ ની ઇનિંગ ને ગુથી રાખનાર ખુબ સોલીડ બેટ્સમેનો છે. સંગા ને માહી માંથી સંગા નો હાથ ઉપર છે. સ્પીન બોલિંગ નો મુકાબલો મુરલી ને ભજ્જી ઉપર છે. ફાસ્ટ બોલિંગમાં મલીંગા ને ઝહિર વચ્ચે રહેશે. મેન્ડીસ સામે અશ્વિની (જો તેને રમવા મળ્યુંતો ) જોવા જેવ રેહશે. તો થારંગા ને યુવરાજ નો દેખાવ પણ જોવા જેવો રહશે. આમ બંને ટીમ ના દેખાવ ઉપર નજર નાખ્યે તો બળા-બળ માં સરખી છે. જેમ પહેલા કહ્યું તમે બંને ટીમ વચ્ચેનો ફર્ક ફક્ત માનસિક શક્તિ નો રહશે ! બંને ટીમ ને કાલ ના મુકાબલા માટે All the best !

આફ્રીદી-માહી (ફોટો શ્રોત -ગુગલ ઈમેજીસ માંથી)

ભારત-પાકિસ્તાન ની મેચમાં હોવી જોઈએ એવાજ જાત ભાત ના વળાંકો ને છેલ્લે સુધી દર્શકોને પકડી રાખે તેવી રસાકસી વાળી રહી. ભારતીય ટીમ ને તેમના વિજય માટે ખુબ ખુબ અભિનંદન તો પાકિસ્તાની ટીમ ને સેમીફાઈનલ સુધી પોહ્ચવા ને સરસ રમત બતાવવા માટે અભિનંદન !

કાલ ની મેચ માં ભારત -પાકિસ્તાન વચ્ચે ધારેલો તેવો ફાસ્ટ બોલિંગ સામે બેટિંગ નો ખાસ મુકાબલો ના જોવા મળ્યો. મોટા ભાગે મેચ માં બોલરો નો પ્રભાવ પથરાયેલો રહ્યો જે આજ ના એક દિવસીય સમય માં ખુબ ઓછી વાર જોવા મળે છે. ગુલ નો સેહવાગ, સચિન સામે ના મુકબલામાં સેહવાગ નો હાથ નિશ્ચિંત રીતે ઉપર રહ્યો. સહેવાગ જે સરળતાથી ગુલ ને રમી રહ્યો હતો તે જોઈ જાણે એક સામાન્ય કક્ષાના બોલર ને જોઈ રહ્યા હોય તેવું લાગ્યું. તેના કેટલાક સારા બોલમાં પણ સહેવાગે જે રીતે બોલ ને બાઉન્ડ્રી ઉપર મોકલી આપ્યો તે જોવું એક લ્હાવો રહ્યો. ખેર ગુલ પાસે થી જે અપેક્ષા પૂરી ના થઇ તે વહાબે પૂરી કરી અદ્ભુત બોલિંગ જોવા મળી. સહેવાગ ની વિકેટ જે રીતે તેને લીધે એક અફલાતુન બોલ હતો ભલભલા ખાટું ખિલાડી ની પરીક્ષા થી જાય તેવો રહ્યો. તેવોજ બીજો બોલ યુવરાજ ને આઉટ કર્યો તેવો રહ્યો. અફલાતુન યોર્કેર તે પણ  સ્વીંગ સાથે. કેટલાય સમય સુધી ક્રિકેટ રસિકો માં તેબોલ ની ચર્ચા રહશે તે નક્કી ! વાહબનું બોલ સાથે નું પ્રદર્શન હમેશા પાકિસ્તાની ફાસ્ટ બોલર પાસેથી ભારત ની મેચમાં  રહે છે તેવું ક્લાસ કક્ષાનું રહ્યું, તેના ૫ વિકેટના પ્રદર્શન ને સાર્થક કરે તેવું રહ્યું. શોઈબ ને પણ દરેક  ક્રિકેટ રસિકોએ મિસ કર્યો હશે તે નક્કી, આ મેચ સાથેજ એક જેન્યુન ફાસ્ટબોલર ને દિગ્ગજ બોલર થઇ શકવાની શમતા ધરાવનાર ખિલાડી ની કારકિર્દી નું દુખદ સમાપન થયું ! ભારતની  ઝડપી શરુઆત ને વીરુના  આઉટ થતાજ  બ્રેક લાગી ગયી.  ગંભીરે સપ્રેમ પોતાની વિકેટ ધરીને હમેશા ની જેમ એક સારી શરુઆત કરીને તેને મોટી ઇનિંગમાં ફેરેવવામાં નિષ્ફળ રહ્યો.  કોહલી જે વર્લ્ડકપની શરુઆતથી જે ફોર્મ માં હતો તેવું પાછલી ૨/૩ મેચો થી સાચવી શક્યો નથી, જે રીતે તેને પોતાની વિકેટ ગુમાવી રહ્યો છે તે જોઈ કદાચ ફાઈનલ માં યુસુફ ને સ્થાન મળી શકે છે. ભારતીય બેટિંગ માં મિડલ ઓર્ડર નો સંપૂર્ણ રકાસ થયો. ધોની ફરી પાછી પોતાની રમતથી નિરાશ કાર્ય, તેને પોતાની બેટિંગ માટે જલ્દીથીજ ટીકાઓનો સામનો કરવાનો આવશે તે નક્કી છે. સુરેશ પોતાની પસંદગી ને ખરી ઠેરવીને ફરી પછી એક ઉત્કૃષ રમત બતાવી. ભારતીય બેટિંગ પૂરી સચિન, વીરુ  ને સુરેશ ના પ્રદર્શનને લીધે ગુથાયેલી રહી.

કાલે સચિને ભલે ૮૫ રણ માર્યા હશે પણ નક્કી તેને પોતાનું પ્રદર્શન નહિ ગમ્યું હોય કે પોતેજ પોતાની રમત થી ખુશ નહિ હોય . તેની શરુઆત ની બેટિંગ પછી ખબર નહિ કેમ પણ જાણે તેની એકગ્રતા તૂટી ગઈ હોય તેવું લાગતું હતું, તે પોતે પણ જાણે હમેશા ની જેમ તેની સમાધિ ના લાગી રહી હોય તેઓ ચિંતિત લાગી રહ્યો હતો. કદાચ પહેલી વાર એવ્યું લાગી રહ્યું હતું જાણે તે બેટિંગ કરી ને થાકી ને કંટાળી ગયો છે. ખુબ ભૂલ ભરેલી ઇનિંગ રહી, ૪ કેચ છુટવા ની અવળી અસર સચિન પર થી હોય તેવું જણાતું હતું, જાણે સચિન ને પોતાનીજ રમત ની શરમ ને આઘાત લગાયો હોય તેમ લાગી રહ્યું હતું.દુનિયાભર ના સ્પિનરો જેની પર કાબુ નથી મેળવી શકવામાં થાપ ખાઈ જાય છે  તેવી સચિન ની રમત ઉપર નવા સ્પિનર  અજમલ ની બોલિંગ હાવી રહી જાણે અજમલ તેને રમાડી રહ્યો હોય તેવું લાગ્યું. અજમલ ની કાલની મેચ માં સચિન ઉપર સંપૂર્ણ વિજય રહ્યો તેમાં કોઈ શંકા નથી. કદાચ આજ વાત થી સચિન ઉપર રમત ઉપર અવળી અસર થી હોય તેવું લાગી રહ્યું હતું, ખેર કાલની મેચ માં સદી ના થઇ તે એક રીતે સારુજ થયું હશે કારણકે સચિન ની સો ટચ ના સોના જેવી શતકો માં કાલની જો શતક થઇ હોત તો ખુબજ નબળી ને એક ભૂલી જવા જેવી રહી હોત ! આપડે પાકિસ્તાન ટીમનો આભાર પણ માનવો રહ્યો કે સચિન ની નબળી રમત ને સચિન ના ઈચ્છા ના હોવા છતા પણ  તેની સદી કરવા માટે પોતાની તરફથી યથા યોગ્ય ફાળો ખુબ નબળી ફિલ્ડીંગ કરી ને આપી !!! ખેર સચિનની અંગત રમત ના દ્રષ્ટિકોણ ને બાજુ પર મૂકી ને જોઈએ તો સચિન ના ૮૫ રણ ભારતની ટીમ માટે અમુલ્ય ને જીત નો પાયો નાખનારો રહ્યા. તો પાકિસ્તાને ને પોતાની નબળી ફિલ્ડીંગ માટે નો પદાર્થપાઠ  પોતાની હારની ભારી કીમત આપની ને ફરી થી શીખવો પડ્યો  ( પહેલો પાઠ તેઓ વર્લ્ડકપની ગ્રુપ મેચ માં ન્યુઝીલેન્ડ સામે હારી ને શીખી ચુક્યા હતા ! ) !!!

ભારત તરફથી કાલની મેચમાં બોલિંગ ને ફિલ્ડીંગ મસ્ત રહી, ભારતીય બોલિંગ માં નબળી કડી ગણાતા મુનાફ અને નેહરાએ  અદ્ભુત ને ખુબ ડીસીપ્લીન વાળી બોલિંગ કરી. ઝહિર હમેશાની જેમ અફલાતુન રહ્યો તો ભજ્જી પણ પોતાની જૂની રીધમાં હોય તેવું લાગ્યું. યુવરાજ  બેટિંગ માં ભલે નિષ્ફળ રહ્યો પણ તેનું સાટું બોલિંગ માં મહત્વ ની વિકેટ લઇને વાળી દીધું. પાકિસ્તાની બેટ્સમેનો ની શરુઆત સરસ રહી પણ મોટી પાટનરશીપ કરવામાં નિષ્ફળ રહ્યા. યુહાના ને મિસબા જેવા અનુભવી ખીલડો ની ધીમી ને કૈક અંશને પ્લાન વગર ની બેટિંગ પાકિસ્તાનને ભારે પડી. હાફિજ ને અકમલ ની રમત સારી રહી પણ રન કરવાના દબાણ હેઠળ વિકેટ ખોઈ બેઠા, સુકાની આફ્રીદી પણ બેટિંગ નું પોતાનું ખરાબ ફોર્મ ને પ્રદર્શન જાળવી રાખ્યું !

આમ ભારતે એક વિજેતાને છાજે એવું રમત ના બધા પાસાઓમાં પોતાનું ઉત્કૃષ્ઠ પ્રદર્શન કર્યું ને વિજય ને લાયક રહી. નેહરાની આફ્રીદીના કેચ માટેની ખેલદિલી પણ બિરદાવી રહી,  ક્રિકેટની રમત ને ગરિમા બક્ષે તેવું હરેક ટીમ નું વર્તન અપેક્ષિત હોય છે ને તેમાં ભારત ખરું ઉતર્યું. સાથે સાથે પાકિસ્તાન ની ટીમ ને પણ બિરદાવી  રહી કે તેમણે પૂરી સપોર્ટમેંન સ્પીરીટ દાખવીને ભારતના વિજય ને બીરદાવ્યું ને મેદાન પર ને મેદાન ની બહાર પણ તેમનું પ્રદર્શન ખુબ ગ્રેસફૂલ રહ્યું જે ભારત -પાકિસ્તાન માટે એક આદર્શ સ્થિત કહી શકાય !

હવે ફાઈનલ માં ભારત ને શ્રીલંકા ના મુકાબલોનો  ઇન્તઝાર રહશે !